“Fagernes International Autumn” халқаро турнири: Ўзбекистон гроссмейстерларининг Норвегияда юксак натижаси!
Жорий йилнинг 5–12 октябрь кунлари Норвегиянинг Фагернес шаҳрида шахмат бўйича нуфузли “Fagernes International Autumn” халқаро турнири бўлиб ўтди.
Мукофот жамғармаси 7400 еврони ташкил этган мусобақада дунёнинг 15 мамлакатидан 78 нафар шахматчи иштирок этди. Ўзбекистон шарафини ҳимоя қилган гроссмейстерларимиз Абдималик Абдисалимов (2501) фахрли 1-ўринни, Ортиқ Нигматов (2485) эса 3-ўринни эгаллашга муваффақ бўлишди.
“Sehrli Shahmat” клуби юртдошларимизни ушбу муваффақият билан табриклайди.
