Жорий йилнинг 16–23 август кунлари Колумбиянинг Барранкиля шаҳрида 16 ёшгача бўлган ўсмирлар ўртасида Бутунжаҳон шахмат олимпиадаси бўлиб ўтди.
Мазкур нуфузли мусобақада дунёнинг 40 мамлакатидан 340 нафар ёш шахматчидан иборат 85 та жамоа иштирок этди. Мусобақа 9 турдан иборат швейтсарча тизимда ташкил қилинди.
Сўнгги турда Италия жамоасини 4:0 ҳисобида мағлуб этган Ўзбекистон жамоаси умумий ҳисобда фахрли 2-ўринни эгаллади.
Шахматчиларимизни ушбу ғалаба билан табриклаймиз!
