Германиянинг Вайссенхаус шаҳрида шахмат бўйича ўтаётган мукофот жамғармаси 750 минг АҚШ долларидан иборат «Freestyle Chess Grand Slam» халқаро турнирида ҳамюртимиз Жавоҳир Синдоров 1-турда германиялик Винсент Каймердан, 2-турда америкалик Левон Ароняндан, 3-турда словениялик Владимир Федосеевдан ва 5-турда собиқ жаҳон чемпиони норвегиялик Магнус Карлсендан устун келди.
4-турда амалдаги жаҳон чемпиони Гукеш Доммаражу билан муроса йўли танланди. Ушбу турнинг 44-юриш ҳолатидаги кичик чекиниш учрашув дуранг билан якунланишига олиб келди.
Биринчи рақамли шахматчимиз Нодирбек Абдусатторов Германия турнирининг илк учрашувида Гукеш билан, 2-турда Хикару Накамура, 3-турда Фабиано Каруана билан муроса йўлини танлади. 4-турда Винсент Каймерга очко тақдим этди ва 5-турда Владимир Федосеевни мағлуб этди. Бу, Абдусатторовнинг 2,5 очко жамғаришига олиб келди.
Бугун кун давомида 6, 7, 8, 9-тур ўйинлари бўлиб ўтади.
Жавоҳир Синдоров ушбу турларда Хикару Накамура, Фабиано Каруана, Алиреза Фирузжа ҳамда Нодирбек Абдусатторов билан рўбарў келади.
Нодирбек Абдусатторов Магнус Карлсен, Алиреза Фирузжа ва Левон Аронянга қарши дона суради.
