Нодирбек Абдусатторов, Жавоҳир Синдоров, Рустам Қосимжонов…

ФИДЕнинг декабр ойининг якунлари бўйича янгилланган рейтингида кучли 100 таликдан 5 нафар гроссмейстеримиз жой олди.
Янгиланган рейтингда Нодирбек Абдусатторов рейтинг очколари 9 пунктга камайган бўлса-да, 2768 очко билан 6-ўринни сақлаб қолди. Шу билан бирга, Нодирбек ёшлар ўртасидаги рейтингдан чиқарилган, чунки у бу йил 21 ёшга тўлади ва катталар рейтингида қатнашмоқда.
Жавоҳир Синдоров (2692) ўз ўрнини яхшилаб, 37-поғонага кўтарилди. Аввалги ойда 46-ўринда бўлган Синдоров бу ойда 9 поғона юқорилади. Тажрибали гроссмейстер Рустам Қосимжонов (2683) эса 45-ўринда жойлашган.
Шамсиддин Воҳидов (2670) бу ойда 52-ўринга чиқди, аввалги ойда у 62-ўринда қайд этилган эди. Нодирбек Якуббоев (2659) эса 67-ўринга тушиб кетди, у аввалги ойда 62-ўринда эди. Рейтингдаги бу ўзгаришлар шахматчиларимизнинг тинимсиз кураш олиб бораётганини кўрсатади.
Ёшлар рейтингида эса ўзбекистонликлар муваффақиятлари давом этмоқда. Жавоҳир Синдоров кучли учликдан жой олган бўлса, Мухриддин Мадаминов 31-ўринда ва Муҳаммадзохид Суяров 68-ўринда жойлашган.