Нодирбек Абдусатторов АҚШнинг Сент-Луис шаҳрида давом этаётган «Sinquefield Cup-2024» турнирининг 7-турида америкалик Уэсли Сони мағлубиятга учратди.
Шундай қилиб, ортда қолган 7-турдан сўнг Нодирбек 3,5 очко билан 5-ўринга кўтарилиб олди. Бугун ўтказиладиган 8-турда хитойлик Дин Лижэнь билан ўйнайди.
Эслатиб ўтамиз, мукофот жамғармаси 350 минг АҚШ долларидан иборат турнирда 1-ўрин учун 100 минг, 2-ўрин учун 65 минг, 3-ўрин учун 48 минг, 4-ўрин учун 32 минг, 5-ўрин учун 26 минг, 6-ўрин учун 21 минг, 7-ўрин учун 18 минг 500, 8-ўрин учун 16 минг, 9-ўрин учун 13 минг ва 10-ўрин учун 10 минг 500 АҚШ доллари берилади.
«Sehrli Shahmat» клуби Нодирбекка омад тилайди!
