FIDE Grand Swiss 2023 турнири якунларига кўра, юртдошларимиздан Жавоҳир Синдоров 8-ўрин, Нодирбек Абдусатторов 12-ўрин, Нодирбек Якуббоев 14-ўринни эгаллади.
Эътиборли томони, сўнгги турдаги ғалабадан сўнг Жавоҳир Синдоров рейтинг очколари сонини 2700 дан оширишга муваффақ бўлди.
Маълумот учун: дунё бўйича жами 35 нафар шахматчи 2700 дан баланд рейтинга эга, улар орасида Нодирбек Абдусатторов ҳам бор эди. Энди Жавоҳир ҳам супер гроссмейстерлар сафига қўшилди.
«Sehrli Shahmat» клуби Жавоҳирни ушбу муваффақият билан табриклайди.
