Жорий йилнинг 7 декабрь куни «Sehrli Shahmat» клуби ўқувчилари учун халқаро гроссмейстер Темур Куйбокаровнинг онаси ва биринчи устози, ФИДЕ тренери Игонина Татьяна билан мастур-класс ташкил этилди.
Ёш шахматчилар ва уларнинг ота-оналари иштирок этган учрашувда Тимурнинг шахматдаги фаолияти, эришган ютуқлари ҳақида маълумот берилди.
Маълумот учун, Тимур 5 ёшида шахмат билан шуғуллана бошлаган. «Sehrli Shahmat» клуби мусобақаларида мунтазам иштирок этган.
У Австралия очиқ чемпионати (2017 ва 2019 йиллар), Australian Masters турнири (2019 йил), Пинанг опен-турнири (2016 йил) ғолиби, Австралия чемпиони (2020 йил) ҳисобланади.
