КАЛЕНДАРЬ
<<
 
>>

 

Детский чемпион клуба - 2017
по быстрым шахматам
Багаутдинов Давид

 

АРХИВ ЗАПИСЕЙ 2009 Октябрь2009 Ноябрь2009 Декабрь2010 Январь2010 Февраль2010 Март2010 Апрель2010 Май2010 Июнь2010 Июль2010 Август2010 Сентябрь2010 Октябрь2010 Ноябрь2010 Декабрь2011 Январь2011 Февраль2011 Март2011 Апрель2011 Май2011 Июнь2011 Июль2011 Август2011 Сентябрь2011 Октябрь2011 Ноябрь2011 Декабрь2012 Январь2012 Февраль2012 Март2012 Апрель2012 Май2012 Июнь2012 Июль2012 Август2012 Сентябрь2012 Октябрь2012 Ноябрь2012 Декабрь2013 Январь2013 Февраль2013 Март2013 Апрель2013 Май2013 Июнь2013 Июль2013 Август2013 Сентябрь2013 Октябрь2013 Ноябрь2013 Декабрь2014 Январь2014 Февраль2014 Март2014 Апрель2014 Май2014 Июнь2014 Июль2014 Август2014 Сентябрь2014 Октябрь2014 Ноябрь2014 Декабрь2015 Январь2015 Февраль2015 Март2015 Апрель2015 Май2015 Июнь2015 Июль2015 Август2015 Сентябрь2015 Октябрь2015 Ноябрь2015 Декабрь2016 Январь2016 Февраль2016 Март2016 Апрель2016 Май2016 Июнь2016 Июль2016 Август2016 Сентябрь2016 Октябрь2016 Ноябрь2016 Декабрь2017 Январь2017 Февраль2017 Март2017 Апрель2017 Май2017 Июнь2017 Июль2017 Август2017 Сентябрь2017 Октябрь2017 Ноябрь2017 Декабрь2018 Январь2018 Февраль2018 Март2018 Апрель2018 Май2018 Июнь2018 Июль2018 Август2018 Сентябрь2018 Октябрь2018 Ноябрь2018 Декабрь

ОРТИҚНИНГ ШАХМАТДАГИ ҒАЛАБАЛИ ОДИМЛАРИ

2018-07-05  |   просмотров: 139

Шахмат — ақл гимнастикаси. Бу ўйин инсон тафаккурини, фикрини теранлаштиради. Ақлий фаолиятни оширишга ёрдам беради. Бугун шахматга қизиқувчи иқтидорли ёшлар кўп. Ҳатто, ҳали ҳарф танимайдиган айрим болакайлар ҳам бу ўйинни ўйнай олади. У билан мунтазам шуғулланиб келмоқда. Улар улғайган сари маҳорати ошиб, халқаро майдонда дона сурмоқда.

Тошкентлик Ортиқ Нигматов ҳам болаликдан шахматга ошно бўлди. Тафаккур ўйинини пухта ўрганишга ҳаракат қилди. Айни пайтда у катта-катта ютуқларга эришиб келаётган истеъдодли ёш шахматчилардан бири.

— Бобом ўртоқлари билан кўчада шахмат ўйнарди, мен эса ёнларига бориб, ўйинни томоша қилардим, — дейди Ортиқ НИГМАТОВ. — Ҳар бир юриш қизиқишимни оширарди. Шу туфайли, шахматга қизиқиб қолганман. Беш ёшимда мени шахматга беришди. Илк устозим Жасур Мажидовдан шахматдаги ҳар бир дона, унинг вазифасини ўргандим. Кунига 3-4 соат машқ қилардик. Ўйинни яхшилаб ўргангач, аввал кичик-кичик мусобақаларда қатнашдим. Баъзан ютуқларга эришганимда ўзимга бўлган ишонч ортарди. Шунда иштиёқим кучайиб, ақл маҳорабасига кўпроқ вақт ажратдим. Бу зое кетмади. Машаққатли машғулотлар самара бера бошлади.

Ортиқ илк ғалабасини 2007 йил мактабгача таълим муассасалари ўртасида ўтказилган шахмат мусобақасида қўлга киритди. У ҳали мактабга боришга улгурмай, республика чемпиони бўлди. Шундан сўнг, медаллари кўпайиб, ғалаба кетидан ғалабага эришишда давом этаверди. Ёш шахматчи шу кунга қадар саккиз карра ўсмирлар ўртасида, уч марта катталар орасида Ўзбекистон чемпионлигига эришди.

— 2013 йилги Осиё чемпионатидаги иштироким бор салоҳиятимни амалда кўрсатишга имкон берди, — дейди шахматчи. — Ўшанда устозим, ота-онам ва юртдошларим ишончини оқлаш насиб қилди. Ўзбекистон ҳисобига олтин медаль қўшдим. Шу пайтгача ана шу чемпионатда қатнашиб, тўрт карра Осиё чемпиони бўлдим. Ҳар гал ғалаба қозонганимда ич-ичимдан қувониб кетаман. Ватанимизга ёруғ юз билан қайтиш насиб қилганидан бахтиёр бўламан. Бироқ мағлубият аламини тотган вақтларим ҳам бўлган.

Дарвоқе, Ортиқ ўз кучини олимпиадада ҳам синаб кўрди. 2015 йил Монголияда ўтказилган ўсмирлар шахмат олимпиадасида дона суриб, бронза медали насиб қилди. Мағлубиятидан ўзига хулоса чиқарадиган бу йигит изланишдан тўхтамайди. Қаерда хато қилгани устида бош қотиради ва уни тўғрилашга интилади. Бу изланиш эса ўзининг мевасини бериши аниқ. Яқинда Россиянинг Тула шаҳрида ўтказилган Полетов мемориал мусобақасида қатнашган спортчимиз, 9 ўйиндан 7,5 очко жамғариб, биринчи ўринни қўлга киритди.

Ҳозирда Тошкент иқтисодиёт ва сервис коллежида таҳсил олаётган бу шахматчимизнинг мақсадлари улкан. Халқаро мусобақаларда муносиб иштирок этиб, байроғимизни баланд кўтарсам, дейди. Бунга эришиш йўлида эса устози Бобур Сатторов билан астойдил машқ қилмоқда.

«Оила даврасида» газетаси

<< Назад